Ermal Mamaqi ishte i ftuar mbrëmjen e kaluar në shtëpinë e Big Brother VIP Albania, ku iu bashkua banorëve për një sfidë të veçantë së bashku me këngëtaren Elvana Gjata. Dy artistët morën rolin e jurisë në një provë aktrimi, ku banorët, të ndarë në skuadra, interpretuan skeçe të ndryshme. Në fund, ata shpallën skuadrën fituese, ndërsa ekipi i Rogertit u rendit në vendin e fundit.
“Pata një incident me Rogertin, nuk e di nëse u vu re gjatë Prime. Kur unë vendosa që do të shpallej fitues ky grupi që nuk ishte i Rogertit, filloi duke më sulmuar: ‘U shite’, ‘të blenë’, ‘të shitën’. Desha t’ia kapja njëherë kokën, t’ia vendosja dorën te balli dhe t’i thoja: ‘Dil satan, nga ky trup’, por nuk e bëra dot. Shaka, shaka. Nuk është aq i keq sa duket. Është shumë interesant ai”, u shpreh Mamaqi.
