Lajmi i konfliktit të dy aktorëve të njohur, Ledio Lako dhe Gent Hazizi ka marrë vëmendjen e gjithë mediave.
Dy ditë më parë, ata u shoqëruan nga policia dhe më pas u lanë të lirë për t’u proçeduar.
Së fundmi burime për “BallkanWeb” kanë zbuluar detajet dhe arsyen e sherrit.
Burime për ta kanë treguar se në takim ka qenë edhe shoku i Gentian Hazizit, Elton Myftiu, i cili ka qenë dhe shkaku i përplasjes mes aktorëve.
Teksa dy aktorët kanë qenë duke u sqaruar për keqkuptimet, Myftiu ka ndërhyrë dhe ka sharë Ledion.
Aktori ka reaguar menjëherë duke e goditur me grusht, ndërsa ka ndërhyrë menjëherë Genti për t’i ndarë, por gjatë sherrit Lako ka goditur edhe Gentin.
Kujtojmë se Ledio dhe Genti kanë ndarë për disa vite të njëjtin ambient pune, si aktorë të programit të humorit ‘Portokalli’./revistawho.com
