Dy aktorët me famë botërore, Angelina Jolie dhe Brad Pitt u takuan për herë të parë 2 vite pas ndarjes së tyre, në ‘Beverly Hills’, në 30 janar. Ky ritakim i habiti të gjithë, pasi ndarja e çiftit është shoqëruar me mosmarrëveshje të shumta. Kurioziteti ka qenë i madh për të ditur arsyen se pse dyshja vendosi të takohej pas kaq shumë kohësh.
Një burim pranë tyre tregoi për ‘Hollywoodlife’, se ata ishin takuar për çështjen e kujdestarisë së fëmijëve. Sipas bisedimeve që dyshja pati, Brad Pitt do të ketë më pak se 50% të kohës për të kaluar me fëmijët.
Angelina Jolie do të ketë më shumë hapësirë me fëmijët e saj dhe është treguar shumë këmbëngulëse rreth këtij fakti.
Megjithatë çdo gjë mbetet për t’u parë në muajt në vazhdim, ndonëse mediat kanë aluduar se çifti i famshëm Jolie-Pitt kanë diskutuar dhe rreth çështjeve të tjera në jetën e tyre./revistawho.com
