Prej disa ditësh rrjetet sociale gëlojnë me zërat se Dalina Buzi po përgatitej të ulej në karrigen e opinionistes për sezonin e ri të Big Brother VIP Kosova. Prej portaleve, tek komentet e fansave—gjithë interneti priste një konfirmim.
Por Dalina vendosi të flasë vetë dhe t’i japë fund zërave. Me një postim të qartë në Instagram, themeluesja e Anabel Media sqaroi gjithçka:
“Ma keni çuar shumë vetë këtë lajmin, por jo, nuk do të jem opinioniste në ‘BBVK’. Gjithsesi, mësova që është super kast dhe se këtë vit po bëhen investime të mëdha për të rritur cilësinë e transmetimit”.
Pasi hodhi poshtë zërat, ajo i uroi suksese moderatorit Alaudin Hamiti dhe autores Olsa Muhameti në projektin e ri, duke treguar mbështetje të plotë për ekipin.
Ndërkohë, BBVK pritet të nisë shumë shpejt—edhe pse ende pa një datë të saktë. Sipas Alaudinit, shtëpia do të jetë krejtësisht e re dhe me ndryshime të dukshme në hapësira e organizim, duke premtuar një sezon akoma më dinamik për publikun.
Tani mbetet të shohim kush do ta marrë postin e opinionistit këtë herë…
