Të bëhesh kolona zanore e filmit të James Bond është diçka e madhe dhe sigurisht, që tani kanë filluar spekulimet mbi këngëtarin apo këngëtaren me fat. Filmi planifikohet të dalë në vitin 2020, por mediat e huaja mendojnë se Dua Lipa është këngëtarja e përzgjedhur. Duke folur në programin ‘Capital Breakfast’ për premierën e filmit ‘Alita: Battle Angel’ dhe për këngën e saj të re si kolonë zanore e këtij filmi, Dua Lipa gjithashtu ka folur për thashethemet e fundit. “O zot i madh, sigurisht që do të pëlqeja të bëja këngën për Bond. Edhe pse është thjesht fillimi për mua dhe jam duke e shijuar, ka qenë një kënaqësi të punoj për filma kaq të mrekullueshëm. Do të jetë një nder për mua, kështu që do të shohim”, u shpreh Dua. Ajo gjithashtu tha se nuk i është kërkuar akoma të jetë pjesë e filmit të James Bond, por do ta pëlqente shumë këtë gjë./revistawho.com
