Në shtator të vitit të kaluar Florian Agalliu nisi punën si drejtues emisioni përkrah Anjeza Majës në televizionin ‘Top Channel’. ‘Në shtëpinë tonë’ përfundoi edhe për këtë sezon televiziv për t’u rikthyer sërish në vjeshtë. Për këtë arsye Flori publikoi një fotografi në ‘Instastory’ së bashku me stafin e emisionit dhe shkruajti se do t’i mungonte shumë.
Në bazë të saj u ngritën dyshimet se moderatori do të largohej nga ‘Top Channel’, duke qenë se këto kohë ka pasur lëvizje të shumta në tregun mediatik shqiptar. Megjithatë duket se Flori nuk do të jetë një ndër ato figura që do të transferohet në një tjetër televizion. Pas lajmeve që qarkulluan për largim ai reagoi menjëherë me anë të një postimi në ‘Instagram’. Moderatori publikoi fotografinë e njërit prej lajmeve në portalet online dhe shkuajti: “Po unë sa erdha mo”. Kjo do të thotë se Flori do të vazhdojë të shfaqet në ekranin e ‘Top Channel’ të paktën edhe për një sezon tjetër. /revistawho.com
