Dy ditë më parë u përfol se shefat e njohur të kuzhinës, Alfio Rrotani dhe Indriti Çela do të zhvendoseshin në ‘Klan’ për të drejtuar emisionin e tyre. Ata u panë teksa dilnin nga zyrat e televizionit dhe për këtë arsye u ngritën dyshimet. Por ditën e sotme nëpërmjet një lidhje radiofonike për “Chaud Patate”, Alfio ka pranuar se lajmet janë të vërteta dhe zbuloi disa detaje rreth tij. Ai tregoi se bëhet fjalë për një emision veror, i cili do i çojë në shumë vende të Shqipërisë ku do të gatuajnë ushqimet tradicionale të zonës.
“Po, është e vërtetë që do të largohemi nga ‘InTv’ për në ‘Klan’. Bëhet fjalë për një projekt veror me autobus kuzhinë që do të lëvizë nëpër Shqipëri”,- tregoi Alfio./revistawho.com
