Këngëtari i njohur, Jozefin Marku, është përfshirë në një situatë të pazakontë pasi disa portale aluduan se ai ka qenë objektivi i një shpërthimi me lëndë plasëse në Fushë Kuqe.
Artisti vendosi të reagojë publikisht, duke sqaruar fansat e tij:
“Rreth asaj që po flitet për mua, nuk është e vërtetë. Organet shtetërore kanë nxjerrë një deklaratë shumë të qartë se ku ka ndodhur, ndërsa portalet hamendësojnë sikur të ishin pjesë e asaj ngjarjeje, ishte për të e për atë. Ju detyrohem t’ju sqaroj që nuk qëndron kështu e vërteta. Faleminderit për secilin nga ju që ka shprehur merakun me mesazhe“, tha Jozi.
Ngjarja ndodhi në orët e para të mëngjesit, kur një sasi e vogël lënde plasëse, e dyshuar artizanale, shpërtheu në portën e një banese në fshatin Gurëz. Për fat, dëmet ishin vetëm materiale, ndërsa policia ka nisur hetimet dhe ka sekuestruar disa gëzhoja të gjetura pranë vendit të ngjarjes.
Edhe pse Jozit iu desh të qetësonte ndjekësit e tij, historia vijon të ngrejë pikëpyetje dhe të tërheqë vëmendjen e publikut.
