Ditën e sotme në të gjitha mediat sportive dhe rozë, ka qarkulluar lajmi se Dua Lipa ka kaluar natën me yllin e Real Madrid, Marco Asensio. Shkruhej se pas performancës së saj hapëse të ‘Uefa Champions League’, Dua ishte larguar me futbollistin dhe të dy kishin kaluar natën në një hotel.
Edhe pse thuhet aty ku ka zë s’është pa gjë, Dua i ka hedhur poshtë të gjithë zërat. Me anë të një postimi në ‘Twitter’ ajo ka reaguar për herë të parë dhe ka mohuar të gjitha thashethemet për të. “As nuk e kam takuar Marco Asension dhe është shumë e pamundur që unë ta takojë ndonjëherë duke qenë se menaxheri im është mbështetës i Liverpoolit dhe nuk do të ma falte asnjëherë këtë gjë”, – ka shkruara ajo. Më tej Dua ka shtuar se as që ja ka idenë se nga i nxjerrin njerëzit këto informacione që fillojnë e flasin. /revistawho.com
