Morena Taraku është një nga personazhet më të komentuar dhe të dashur të publikut shqiptar. Nëse hapni profilin e saj në rrjetet sociale, do të shihni se Morena e rrethon veten me gjëra të shtrenjta, veshje me firma të njohura, si dhe qëndron në vendet më luksoze. Ajo është munduar të tregohet hermetike në lidhje me jetën e saj private, megjithatë lidhja me miliarderin Sasha Sobhani nuk mundi të qëndronte e tillë. Kjo lidhje mori fund shpejtë dhe pak kohë pas ndarjes, Morena zbuloi për publikun se ishte fejuar dhe unaza e fejesës ishte madhështore. Modelja nuk ka reaguar më që prej asaj kohe dhe as nuk ka publikuar ndonjë detaj rreth lidhjes së saj të re, por pas postimit në ditën e sotme mund të kuptojmë që fejesa e saj po shkon për mrekulli. Bëhet fjalë për një tjetër unazë me diamantë të firmës “Cartier”, të cilën Morena e ka publikuar në ‘Instastory’ pa asnjë shkrim. Nuk e dimë nëse dhurata ka qenë nga partneri i saj aktual, apo diçka që ajo ia ka blerë vetes, por dhe njëherë Morena ia ka dalë të tërheqë vëmendjen e mediave./revistawho.com
