U desh të kalonin 38 vjet dhe dy procese gjyqësore që Stan Patz dhe gruaja e tij Julie të merrnin pakëz drejtësi për zhdukjen e djalit të tyre të vogël Etan, i cili humbi çdo gjurmë në New York në vitin 1979 në moshën 6 vjeçare. Vogëlushi po shkonte të merrte autobusin për të ikur në shkollë por në stacion nuk mbërriti dot kurrë. Tani juria ka shpallur fajtor Pedro Hernandez 56 vjeç i akuzuar për rrëmbim dhe vrasje. Një vendim i vështirë për të cilin u desh kohë që të qartësohej ngjarja që tronditi Shtetet e Bashkuara e që ende sot mbetet mister, duke qenë se trupi i vogëlushit nuk u gjet asnjëherë. Mësohet se i dënuari punonte në shtëpinë ngjitur me atë të Etan dhe e tërhoqi atë duke i ofruar një pije në bar. Më tej ai ka rrëfyer se e ka mbytur vogëlushin, e ka futur në një thes dhe e ka hedhur midis mbeturinash./ revistawho.com
