Mauro Ikardi dhe Uanda Nara i kanë shpallur “luftë” njëri-tjetrit pas ndarjes së bujshme dhe situata po eskalon me publikimin e disa bisedave private që kanë tronditur mediat argjentinase. Programi “Intrusos” zbuloi detaje nga telefonatat e tensionuara mes ish-çiftit, duke nxjerrë në pah zemërimin e Uandës pas një incidenti që lidhej me vajzën e tyre.
Sipas përgjimeve, Uanda është revoltuar ndaj Ikardit për mungesën e tij në datëlindjen e vajzës. Ajo akuzoi hapur partneren e re të Ikardit, Çina Suarez, duke e quajtur atë shkaktaren e shkatërrimit të familjes së saj.
“Çfarë mendon se janë këto marrëzi për vajzat e mia? Ata nuk mund të trajtohen kurrë sikur s’janë asgjë. Ti martohesh, ke fëmijë… për vajzat tona, fëmijët e saj do të jenë vajzat e prostitutës që ua shkatërroi familjen,” shprehet Uanda në një moment.
Nga ana tjetër, futbollisti kërkonte me ngulm të fliste me vajzën e tij, por tensionet mes ish-partnerëve duket se e përshkallëzuan situatën. Uanda i drejtoi fjalë të rënda ish-bashkëshortit, duke thënë:
“Preferoj që ti të zhdukesh, ose të qëllosh veten në kokë dhe kaq, dhe të ndalosh së prishuri jetën e tyre çdo ditë, duke ia shkatërruar atë”.
