Ledri Vula i befasoi të gjithë ndjekësit e tij disa javë më parë, teksa vendosi të fshinte çdo postim nga rrjetet sociale. Më tej reperi lajmëroi se shumë shpejt do të sillte një projekt, i cili do të ishte i pari në llojin e tij në Shqipëri. Artisti madje ka publikuar disa video me tekst, duke zbuluar një pjesë të projektit që ai ka rezervuar për ndjekësit e tij.
Ndërsa së fundmi Vula ka bërë të ditur se projekti i shumëpritur do të publikohet ditën e nesërme në orën 15:00. “Udhëtimi është gati të fillojë”, ka shkruar reperi krah videos së tij të fundit në ‘Instagram’. Ledri nuk ka bërë të ditur asnjë detaj tjetër rreth këngës së tij më të fundit, megjithatë pritja e gjatë duket se i ka bërë më shumë kureshtarë ndjekësit e tij./revistawho.com
https://www.instagram.com/p/B7_dg2shx0u/
