Udhëtimi sekret i nënës së Meghan Markle, gjatë gjithë verës në mbështetje të së bijës

Pas martesës së saj me Princin Harry, babai i Meghan Markle ka dhënë një sërë intervistash ku ka folur kundër së bijës dhe pallatit mbretëror. Fjalët e të atit kanë ndikuar negativisht tek Meghan, megjithatë Dukesha ja ka dalë mbanë falë mbështetjes së personave më të afërt. Mbështetja më e madhe për të duket se është nëna e saj, Doria Ragland, e cila thuhet se gjatë gjithë verës ka qëndruar pranë Meghan. Në korrik ajo ka udhëtuar drejt Mbretërisë së Bashkuar dhe ka qëndruar në shtëpinë e Meghan dhe Princit Harry. Ky udhëtim është mbajtur sekret, megjithatë është zbuluar nga një burim shumë i afërt pranë familjes mbretërore. Udhëtim sekret vjen pak kohë pasi ‘Express’ zbuloi se Doria Ragland po mendon të zhvendoset nga Amerika në Mbretërinë e Bashkuar për të qenë gjatë gjithë kohës pranë vajzës së saj, Meghan. /revistawho.com