Jona Spahiu është një nga moderatoret më të ëmbla të ekranit shqiptar. Me elokuencën dhe aftësitë e saj ka ditur të tërheqë dhe të bëjë për vete publikun e gjerë.
Disa muaj më parë Spahiu kurorëzoi në martesë dashurinë me partnerin e saj dhe u bë nënë për herë të parë me një djalë, të quajtur Raiden.
Siç ka treguar vetë Jona, ajo ka udhëtuar shpesh në vende të ndryshme me bashkëshortin e saj edhe gjatë shtatzënisë, duke e bërë këtë periudhë edhe më të veçantë në jetën e saj.
Ndonëse ishim mësuar ta shihnim moderatoren krah partnerit të saj gjatë këtyre udhëtimeve, tani është koha që ta shoqërojë dhe i vogli Raiden.
Jona ka publikuar disa foto në ‘Instagram’ nga udhëtimi i fundit, ku shihet shumë e lumtur me familjen e saj. Në disa prej tyre shihet vogëlushi me babain duke parë ndeshjen e futbollit.
Siç duket pasioni për udhëtimin i Jonës, shumë shpejt do të jetë edhe i Raiden.
Vlen për t’u përmendur se destinacioni i parë i tij është Viena. Nuk dihet ende se ku do ta shohim të voglin në të ardhmen, por është e sigurt se mami Jona do të kujdeset t’i dhurojë atij kujtimet më të bukura./revistawho.com
