120 persona janë konfirmuar me koronavirus në 24 orët e fundit nga 626 testime të kryera. Ministria e Shëndetësisë njofton gjithashtu se betejën me koronavirusin e kanë humbur 3 pacientë, dy nga Tirana, një 64 dhe një 78 vjeçar dhe një 82 vjeçare nga Elbasani.
Numri i pacientëve të shtruar në dy spitalet Covid është rritur në 125, prej tyre janë 15 në terapi intensive dhe 5 të intubuar.
Ndërsa 12 pacientë të negativizuar nga virusi vijojnë trajtimin spitalor.
48 qytetarë janë shëruar në 24 orët e fundit, duke çuar në total 3794 numrin e të shëruarve nga fillimi i pandemisë.
