Përpara pak javësh Morena Taraku deklaroi se do të largohej nga rrjetet sociale për t’u fokusuar më shumë në qetësinë e saj shpirtërore dhe njerëzit e afërt. Ajo ka treguar se ka marrë shumë ofendime, por ndihet me fat që ka dashurinë dhe mbështetjen e fansave. Por kjo shkëputje e këngëtares nga rrjetet sociale nuk zgjati për shumë kohë, pasi ajo ka publikuar ditën e sotme një mesazh shumë të fortë. Morena ka shkruar se një ditë e vërteta del në dritë dhe se i vjen keq që e kanë lënduar edhe personat e saj më të afërt. “Unë di shumë gjëra, por jo dhe aq sa Zoti, ai i di të gjitha dhe unë besoj në të. Nuk ma do zemra të lëndoj askënd, e aq më pak ata që hëngrën bukë në të njëjtën sofër me mua, edhe pse ata e bën… Unë besoj se e vërteta flet vet një ditë, pa e njollosur askënd nga goja ime… Dhe prapë po e përsëris Zoti i di të gjitha”, ka shkruar Morena në një postim në ‘Instagram’.
Nuk dihet se kujt ja ka drejtuar këngëtarja këtë mesazh, por mesa duket ajo nuk e ka pritur mirë faktin që njerëzit e saj më të afërt nuk i janë gjendur pranë. /revistawho.com
