Stresi duket se ka hyrë në një fazë të re të karrierës, duke u shkëputur nga rrëmuja e përditshme për t’iu përkushtuar totalisht projekteve që po përgatit. Reperi po punon intensivisht në materiale të reja dhe, me sa duket, frymëzimi nuk i ka munguar.
Këtë e ka zbuluar vetë Kejsi, e cila ka surprizuar ndjekësit duke shpërndarë një bisedë private me ish-partnerin e saj. Në “WhatsApp”, Stresi i ka dërguar tre demo të reja dhe i ka treguar se muzika e re mban gjurmën e saj.
“Tek të treja këngët më ke frymëzu,” i shkruan ai, duke pranuar pa dorashka rolin që Keisi ka pasur në procesin e tij krijues.
Keisi e ka marrë me sportivitet këtë vëmendje të papritur, madje ka bërë edhe një batutë duke theksuar se në njërën prej këngëve ka dëgjuar emrin e saj të përmendet.
Pavarësisht se rrugët e tyre janë ndarë prej kohësh, biseda e publikuar tregon se mes tyre ka mbetur një raport i ngrohtë dhe një lloj mirëkuptimi që nuk është shuar. Tani, gjithë vëmendja është te këngët: çfarë historie do të rrëfejë Stresi përmes tyre dhe si do të tingëllojë ky frymëzim që vjen nga e shkuara?
