“Jeta ime, shpirt, urime për këtë arritje të bukur në rrugën tënde të gjatë të suksesit. Kjo është një nga ditët më të bukura të jetës sime. Suksese te tjera”, – kanë qenë këto fjalët e kantautorit Bojken Lako për të dashurën e tij Semi Jaupaj, pas fitores së çmimit “Kënga Tendencë” në “Kënga Magjike”. Këtyre fjalëve të bukura, këngëtarja i është përgjigjur: “Bojken, dashuria ime për ty, njësoj si ditën e parë”. Semi Jaupaj mori vlerësime në natën finale edhe nga vetë producenti i “Kënga Magjike” Ardit Gjebrea, i cili tha se ajo këndonte një prej këngëve të tij të preferuara, që është mbi të gjitha dhe shumë profesionale.
