Aktori i dashur i humorit shkodran Zef Deda feston sot ditëlindjen. E në këtë ditë të veçantë nuk ka munguar as urimi i djalit të tij, Julian Deda. Ja mesazhi i Julit në Facebook:
“Sot ka ditëlindjen bosi i familjes Deda. Babush, u bëfsh 100 vjeç.
Ditëlindjet e prindërve janë absolutisht ditë të gezueshme, por po të tregohemi të sinqertë me veten, duhet të pranojmë se nganjëherë se si ndjehemi, kur shohim vitet, që kalojnë dhe nuk kthehen më. Por kjo është jeta dhe ne duhet të gëzohemi edhe ne këto raste, të jemi pozitiv. Pikërisht këtë na ke mësuar gjithë jetën Babush. Madje vazhdon e na e ushqen me të njëjtin intensitet, ashtu me fjalë të thjeshta, ashtu shkurt e saktë. Na ushqen me pozitivitet, me energji dhe mbi të gjitha na injekton përditë e më shumë, të qenit një njeri pa hile. Kjo moto e jotja është shumë e rëndësishme për ty, dhe sigurisht edhe për mua. Unë mund të rreshtoj këtu mijëra fjalë, por më mirë po e bëj sipas mënyrës tënde, shkurt dhe saktë: Je më i miri. Të dua fort!
