Sot është një ditë e veçantë për moderatoren e njohur Evi Reçi, e cila feston ditëlindjen pranë dy njerëzve më të dashur: partnerit të saj Kledi Hysa dhe djalit të tyre të vogël, Aster.
Në këtë ditë të rëndësishme, Kledi ka zgjedhur t’i shprehë ndjenjat e tij me një mesazh që ka prekur zemrat e të gjithëve. Ai e përshkruan Evin si gruan që i ka ndryshuar jetën dhe nënën më të mrekullueshme për djalin e tyre:
“Në këtë ditë të veçantë, festojmë ditëlindjen e një gruaje që ndryshoi jetën time. Ti je melodia më e bukur në zemrën time, drita në ditët e mia dhe forca në çdo hap që hedh. Por mbi të gjitha ti je nëna më e mrekullueshme për djalin tonë—dhuratën më të çmuar që na ke falur. Gëzuar ditëlindjen dashuria ime! Uroj që kjo të të kthejë mbrapsh të gjithë dashurinë, lumturinë dhe ngrohtësinë që ti na dhuron çdo ditë. Je e pazëvendësueshme për mua, për djalin tonë, për familjen tonë. Sot dhe përjetë,” ka shkruar ai.
Një deklaratë dashurie që nuk kaloi pa vëmendje dhe që rikujton rëndësinë e fjalëve të ndjera në ditët më të rëndësishme të jetës.
