Usher bëhet pjesë e ‘Walk Of Fame’ (FOTO)

Këngëtari me famë botërore Usher është shfaqur shumë i lumtur teksa pozon pranë pllakës së tij prej ylli në bulevardin e “Walk Of Fame” në Hollywood. Tashmë ai është bashkuar familjes së madhe të njerëzve më të famshëm që kanë dhënë frytet e tyre me punën e palodhshme në industrinë e muzikës, filmit dhe spektaklit në Hollywood. Që të bëesh pjesë e “Walk Of Fame” mund të duhen vite që një artist duhet t’i shfrytëzojë në maksimum në karrierën dhe profesionin e tij, për t’i dhënë një produkt të mirë publikut. Në një intervistë për revistën “Variety” Usher tregon se muzika e tij përfaqëson zhanerin ‘Fusion’ që bashkon elementet e jazz-it me atë të rrokut, ‘RnB, latine dhe popit në mënyrë që të preket dhe të pëlqehet nga masat.