Ju është mërzitur konsumimi i të njëjtit ushqim në mëngjes? Merrni shembull nga vrapuesit e maratonave në shtete të ndryshme të botës për të patur më shumë alternativa.
Angli: Qull
Amy Abrahams, një vrapues nga Londra për mëngjes përgatit qull, i cili përmban qumësht bajamesh, 1 lugë gjalp dhe pak mjaltë. Në qoftë se atë ditë i duhet të vrapojë, një orë më pas ha dhe një banana.
Itali: Çokollatë dhe kafe ekspres
Martina Di Marco nga Roma gjithmonë ha një çokollatë. Nuk largohet asnjëherë nga shtëpia pa një ekspres për t’u ndjerë më energjike. Ajo tregon se shumë prej miqve të saj vrapues konsumojnë bukë me nutella përpara një gare sepse sheqeri dhe proteinat i ndihmojnë të performojnë më mirë në vrapim.
Gjermani: Bukë
Myriel Frische, vrapuese në Gjermani tregon se në qoftë se duhet të garojë në një distancë të madhe, në mëngjes zgjedh bukën me kripë, gjalpë dhe mjaltë. Kombinimi i karbohidrateve kripës dhe sheqerit është një burim shumë i mirë energjie.
Francë: Kos me drithra
María Laura Ribadeneira, një atlete franceze zgjedh për mëngjes kos me drithra. Ai është burim i shkëlqyer proteinash dhe kalciumi. Për karbohidrate apo sheqer ekstra ajo shton gjysmë banane dhe pak mjaltë. Për kafeinë merr një filxhan me çaj të zi.
Spanjë: bukë e thekur me vaj
Lorea Amatria, garuese në maratonën spanjolle tregon se mëngjesi tradicional në vendin e saj është buka e thekur me vaj ulliri ekstra të virgjër. Të njëjtën gjë praktikon edhe ajo në mëngjeset përpara një gare, duke e shoqëruar me një filxhan kafe me sheqer.
