-E verdha e vezës për thonj të bukur dhe të fortë
E pasur me vitaminë B8, e verdha e vezës siguron elementët e nevojshëm për prodhimin e thonjve rezistentë.
– Embrion gruri kundër plakjes
Pasuria e antioksidantëve që e karakterizon atë dhe në veçanti vitamina E, mbron qelizat duke u bërë një aleat i mirë antiplakje. Ndërkaq, embrionet e grurit përmbajnë vitaminën B, e domosdoshme për zhvillimin e flokëve.
-Domatet për t’u mbrojtur nga dielli
Domatet na mbrojnë nga rrezet ultravjollcë. Lycopene, molekula që i jep ngjyrën karakteristike të kuqe domateve, është një antioksidant mjaft i njohur për aftësinë e tij për të neutralizuar radikalet e lira, të prodhuara nga ekspozimi ndaj rrezeve të diellit. Për këtë fakt, domatet janë ushqimi kyç kundër rrudhave të vogla dhe njollave kafe të lëkurës.
-Peshku për flokë të shëndetshëm dhe të bukur
Proteinat e pasura me aminoacide squfuri, të tilla si mishi, peshku etj., përbëjnë ushqimin kryesor për flokët. Nga ana tjetër, është e rëndësishme të hani në mënyrë të ekuilibruar për të çuar deri në rrënjët e flokëve të gjitha elementet e nevojshme për prodhimin e flokëve, në mënyrë që të ruani butësinë dhe vitalitetin e tyre.
-Avokado kundër lëkurës së thatë
Avokado i jep ndihmë lëkurës së thatë. Kjo frutë është e pasur veçanërisht me acide yndyrore, që favorizojnë hidratimin e lëkurës. Kjo frutë ekzotike përmban edhe vitaminë E, një antioksidant i fuqishëm i cili është në gjendje që të mbrojë lëkurën nga radikalet e lira, të pranishme në sasi të mëdha në lëkurat e thata apo të dehidratuara.
-Boronica, një ilaç i mirë antimoshë
Këto kokrra riparojnë dëmet e përditshme të pësuara në lëkurë. Një përqendrim i madh antioksidantësh të pranishëm në boronicë, japin një funksion të vërtetë trajtimi antimoshë.
-Portokaj për sa më shumë energji
Vitamina C, që portokalli e përmban në sasi të madhe është një molekulë esenciale për prodhimin e kolagjenit, faktor tonik dhe rezistent i lëkurës. Përveç kësaj, kolagjeni është një nga molekulat më të mira e cila është në gjendje t’i japë shkëlqim koloritit tuaj natyral. Rezultati: do të jeni rrezatues.
-Presh për një bark të sheshtë
Për çdo gastroenterologist, preshi është përshpejtuesi më i mirë i transitit të zorrëve. Në supë, të zier dhe të bërë me vaj ulliri, uthull dhe mustardë, të kavardisur me qepë…fibrat që gjenden te preshët janë aleatë të mirë për një bark gjithmonë të sheshtë.
-Kanella: aleat për një trup të hollë
Kanella është ushqimi i bukurisë i përdorur nga më të rinjtë. Shpesh, në fakt, dietat e pasura me sheqer dhe yndyrë nxisin plakjen e parakohshme të lëkurës. Ndërsa kanella rrit shijen natyrale duke zëvendësuar lehtësisht sheqerin. Në këtë mënyrë, ajo zvogëlon mallin për ushqime me sheqer. Përveçse përmirëson gjendjen e lëkurës, ky mashtrim i vogël është një aleat i mirë për një trup të hollë.
– Supa miso, ndërprerëse e rrudhave
Supa miso është sekreti i japonezëve për të mbajtur lëkurën të re. E bërë nga brumi i thartuar me kokrra soje, miso, është i pasur me acid linoleik, që lejon ta mbani lëkurën të lëmuar e pa rrudha.
-Çokollata, karta fituese e bukurisë tuaj
Çokollata është një nga antidepresivët më të mirë natyralë. Në çdo rast, duke zgjedhur atë me më pak sheqer dhe yndyrë, ju do të merrni kënaqësi të pakrahasueshme. / Ekspress
