Lëkurë e pastër, pa asnjë njollë apo shenjë dhe të shëndetshme është ajo çka të gjithë dëshirojnë. Por a e dini se disa nga aktivitetet tona të përditshme na dëmtojnë në një mënyrë ose një tjetër? Por ka një sekret shumë të madh që ndiqet prej vitesh për të pasur një lëkurë të shëndetshme. Është shumë e rëndësishme që të ndiqni një rutinë për aktivitetin fizik për të rinuar lëkurën, por më e rëndësishmja që rekomandohet në gjithë botën, ju duhet të bëni patjetër një ndarje të ushqimeve që duhet dhe nuk duhet të konsumoni. Në këtë artikull gjeni disa ushqime që duhet të shmangni për të pasur lëkurë “të pavdekshme”.
- Luleshtrydhet
Luleshtrydhet përmbajnë acid natyral të frutave që kombinohen me vitaminën C dhe kjo rezulton në diçka shumë dëmtuese për lëkurën tuaj. Njerëzit me lëkurë të ndjeshme zakonisht përballen me të tilla probleme, veçanërisht në zonën e rreth gojës dhe hundës.
- Arrat
Arrat janë të pasura me yndyra dhe nëse ju i konsumoni vazhdimisht, ato do të ndikojnë në krijimin e akneve.
- Margarina
Shumica e njerëzve e kanë zëvendësuar gjalpin me margarinën, sepse e konsiderojnë si diçka më të shëndetshme. Por margarina ka dhe disa disavantazhe yndyra që gjenden tek margarina ndalojnë hidratimin e lëkurës dhe kështu lëkura juaj do të humbas më shumë ujë dhe do të rrudhoset shpejt.
- Ushqimet e ngrira
Gjatë procesit të paketimit të ushqimeve të ngrira një pjesë e madhe e enzimave dhe përbërësve të shëndetshëm humbasin. Për shkak të kësaj vlerat ushqyese të ushqimeve të ngrira janë shumë të ulta dhe kjo gjë reflektohet menjëherë në lëkurë. Gjithashtu ushqimet e ngrira përmbajnë më pak sasi uji dhe kjo shkakton dhe dehidratim të lëkurës.
- Ushqimet që kanë shumë vaj
Kur konsumoni ushqime të skuqura, vaji dhe yndyrat oksidohen dhe qëndrojnë gjatë në trupin tuaj. Kjo shkakton dhe një ulje të qarkullimit të gjakut. Një lëkurë e shëndetshme ka nevojë për shumë oksigjen, e cila realizohet vetëm falë qarkullimit të saktë të gjakut. Por ushqimet e skuqura e ngadalësojnë këtë proces, duke bërë që lëkura të jetë jo e shëndetshme.
