Rrudhat e imëta, sidomos “të buzëqeshjeve”, janë shtesë simpatike e cila fytyrën mund ta bëjë më interesante.
Megjithatë, pavarësisht komplimenteve, rrudhat na bëjnë më të ndjeshëm dhe nxisin dëshirën për të ngadalësuar plakjen. Disa shtesa në të ushqyerit mund të ndikojnë në përtëritjen e organizmit nga brënda dhe jashtë, duke përforcuar mekanizmat mbrojtës të lëkurës, por edhe lehtësimin e rigjenerimit të saj. Disa prej këtyre përbërësve mund t’i shtohen maskave për fytyrë dhe të përdoren nga jashtë, por gjithsesi përfshini edhe në të ushqyerit
Vitamina C është e domosdoshme për prodhimin e kolagjenit dhe rregullimin e prodhimit të sebumit. Shkatërron radikalet e lira që përshpejtojnë procesin e plakjes. Pikërisht për këtë konsumimi i mjaftueshëm i vitaminës C lehtëson shërimin e plagëve dhe përshpejton rigjenerimin e lëkurës.
Gjethet e elbit të ri (magmë jeshile) përmban enzima aktive, antioksidantë, vitamina C, E, B1, B2, B3 dhe B6, klorofil dhe shumë aminoacide të cilët përshpejtojnë shërimin dhe rigjenerimin e lëkurës.
Alga Spirulina është e pasur me minerale esenciale dhe oligoelemente si dhe beta-karoten – një antioksidant natyral. Mund ta kompenzojë dozën e rekomanduar të vitaminës A, e cila përshpejton shërimin e plagëve dhe rigjenerimin e lëkurës.
Kërpudhat shiitake përmbajnë minerale të tilla si hekuri që ndihmojnë në largimin e qelizave të vdekura të lëkurës, kalciumi që me rregullimin e lipideve mbronë lëkurën nga ndikimet e jashtme, si dhe vitaminat e grupit B që rregullojnë punën e gjëndrrave dhjamore dhe stimulojnë rigjenerimin e kolagjenit në lëkurë.
Pelte mbretërore (Royal jelly) përmban një lloj të rrallë të acideve yndyrore të pangopura 10-HDA, i cili stimulon prodhimin e kolagjenit dhe mbron lëkurën nga plakja e parakohshme të shkaktuar nga rrezatimi ultravjollcë. Vitaminat B-kompleks dhe aminoacidet e shumta nga pelte mbretërore thellësisht e zbutin lëkurën dhe balancojnë pH-vlerat e saj.
Ginseng është i njohur edhe si rrënja e jetës. Substancat aktive të kësaj bime ginsenozidet rrisin mikroqarkullimin dhe nxisin shkëmbimin më të shpejtë të substancave në lëkurë e cila bëhet më e fortë dhe më e ndritshme./femra/
