Me një peshë prej 500 milionë ton, karkaleci i kuq formon biomazen më të madhe në botë. Vetëm 1% e tij përdoret për ekstraktimin e vajit të çmuar që ai përmban, i cili vjen në një paketë fantastike së bashku me astaksanthinën, një antioksidues që ka forcën të luftojë kancerin dhe plakjen.
Le të shohim përse vaji i karkalecit të kuq është dalluar si një suplement ushqimor superior:
Përmirëson kolesterolin dhe ul tregliceridet
Studimet në zhvillim e sipër tregojnë se marrja e 1 – 1,5gr vaj karkaleci të kuq në ditë, mund të ulë kolesterolin e keq (LDL) dhe të rrisë kolesterolin e mirë (HDL) në pacientët me hiperkolesterolemi. Në doza 2-3gr/ditë, ky vaj është dalluar të ketë efekt në uljen e triglicerideve, një tjetër lloj yndyre aterogjene për organizmin.
Përmirëson artritin
Studime të reja kanë evidentuar se 300mg vaj karkaleci mund të ulë ndjeshëm dhimbjet dhe shqetësimet në persona me artrit.
Qetëson simptomat para menstruale
Marrja e përditshme e vajit të karkalecit mund të zbusë simptomat paramenstruale të cilat shkaktohen si pasojë e ndryshimeve hormonale të lidhura me ciklin menstrual të gruas. Edhe pse nuk është shumë e qartë se si acidet lyrore omega 3 ndikojnë në përmirësimin e këtyre simptomave, mendohet që lidhja është ndikimi në ekuilibrin hormonal.
Ka veti anti-inflamatore
Nuk ka dyshim në vetitë anti-inflamatore të acideve lyrore omega 3 dhe ky është një rol shumë i rëndësishëm që i referohet vajit të karkalecit. Ky vaj absorbohet edhe më lehtësisht nga organizmi, në krahasim me vajin e peshkut, dhe përkthehet në substanca me rol hormonal të cilat ulin inflamacionin e heshtur – pikënisjen e shumë sëmundjeve kronike përfshirë dhe kancerin.
Astaksanthina – armë e fortë kundër plakjes
Antioksiduesi astaksanthine gjendet vetëm te karkaleci i kuq, te salmoni dhe arragosta. Si një antioksidues, ai e mbron vajin nga oksidimi. Për më tepër, astaksanthina është veçuar si një ndër antioksiduesit më të fuqishëm kundër plakjes dhe kundër kancerit, ul kolesterolin, forcon shikimin, parandalon sëmundjet neurodegraduese si alcajmeri dhe lufton stresin fizik. Në një studim të vonët, marrja e astaksanthinës solli rezultate pozitive në trajtimin e helikobakterit dhe ulcerës që ai shkakton. Sasia ditore e përdorur në studime qëndroni midis 2mg – 24mg në ditë.
Vaji i karkalecit nuk përmban mërkur
Karkalecat, ndryshe nga peshqit e yndyrshëm, nuk përthithin mërkur pasi qëndrojnë në fillim të zinxhirit ushqimor dhe ushqehen vetëm me fitoplanktone. Ky fakt e bën vajin e karkalecit të kuq të pastër, ndryshe nga vaji i peshkut i cili mund të përmbajë mërkur./Shendeti.com.al
