Anjeza Shahini ka qenë tepër e rezervuar përsa i përket postimeve në rrjetet sociale, që prej momentit kur u bë nënë për herë të parë. Këngëtarja është përpjekur të mos e zbulojë pamjen e vajzës së saj për një periudhë të gjatë, duke publikuar vetëm foto apo video ku e vogla shfaqej me kurriz. Së fundmi vajza e Shahinit, Tori, ka mbushur 1-vjeç, moment të cilin artistja është kujdesur ta kalojë pranë njerëzve më të dashur. Anjeza ka publikuar disa foto nga pagëzimi dhe festa e ditëlindjes e organizuar posaçërisht për të, ku shfaqet qartë pamja e të voglës.
E veshur me rroba në ngjyrë të bardhë dhe rozë, Tori duket si një princeshë e vërtetë në krahët e mamit. Reagimet e ndjekësve dhe miqve të Anjezës në postimet e fundit kanë qenë të menjëhershme, duke e uruar këngëtaren për 1-vjetorin e ëmbël të vajzës./revistawho.com
https://www.instagram.com/p/B6Lo1E5p_O6/?igshid=1dnux54lpnzcb
