Pavarësisht gjithë angazhimeve që mund të kenë me biznesin e tyre të fustaneve të nusërisë ‘Geraldina Sposa’, Armand Peza dhe Marçela Lati, janë edhe dy prindër shumë të përkushtuar. Ata kanë dy fëmijë Jonin dhe Kaltrën, të cilët duket se me rritjen po marrin dhe shumë gjëra nga prindërit e tyre. Armandi dhe Marçela gjithmonë kanë sjellë ide dhe koncepte të reja për organizmin e dasmave të çifteve shqiptare. Dhe vajza e tyre, Kaltra duket se prej prindërve të saj ka trashëguar idetë e veçanta. Marçela ka postuar në ‘Instagram’ një pikturë në miniaturë që është realizuar nga duart e vajzës së saj.
“Përveçse bën kështu mrekullisht pa mbushur 11 vjeç, është dhe kritike e artit të saj.(Piktura ka të tjera përmasa reale, këtu është fotografuar për t’u dorëzuar si detyrë)”, – ka shkruar Marçela, bashkëngjitur fotografisë së pikturës.
“Nuk më pëlqen mënyra se si ngjyrat nuk shkojnë bashkë me njëra-tjetrën. Duhej të përdorja ngjyra më të ndritshme”, – lexohet ndër të tjera në kritikën që Kaltra i ka bërë pikturës së saj. /revistawho.com
