Vajza e Elon Musk ka sulmuar publikisht babain e saj me postime të njëpasnjëshme në platformën “Threads”. Vivian Wilson po përpiqet të zbërthejë imazhin që manjati i teknologjisë projekton për veten dhe jetën e tij. 20-vjeçarja e përshkroi babain e saj 53-vjeçar si një tradhtar, gënjeshtar dhe hipokrit.
Ajo e cilëson si “të çuditshme” zgjedhjen e tij për t’u shfaqur si familjar i krishterë dhe mbrojtës i vlerave perëndimore, pasi realiteti sipas saj, është krejtësisht ndryshe.
“Ti nuk je familjar, ti je një kurorëshkelës. Ti nuk je i krishterë, me sa di unë nuk ke shkelur kurrë në kishë. Ti nuk je kampion i barazisë dhe përparimit. Kur isha 6 vjeç e quajte arabishten “gjuhën e armikut”, ke pasur një sërë padish për diskriminim dhe ke ardhur nga Aparteidi Afrika e Jugut. Ti nuk e “shpëton planetin”, nuk i kushton vëmendje ndryshimeve klimatike dhe gënjen për qytetërimin shumëplanetar, si justifikim dhe sepse dëshiron të dukesh si CEO i Ready Player One”, është shprehur vajza e Elon Musk.
