Kanë kaluar plot 20 vite dhe tashmë ato janë bërë si shoqe për njëra-tjetrën. Bëhet fjalë për kryetaren e LSI-së Monika Kryemadhi dhe vajzën e saj të madhe, Bora. Ditën e sotme Bora feston 20 vjetorin e lindjes dhe sigurisht që nuk mund të mungonin disa fjalë të ndjera nga ana e nënës së saj. Monika mesa duket i kishte premtuar se nuk do e uronte publikisht, megjithatë në këtë ditë kaq speciale nuk kishte se si të mos tundohej. Kreymadhi ka publikuar në ‘Instagram’ një fotografi pranë vajzës së saj, e cila duket se sa më shumë rritet aq më shumë ngjan me nënën e saj.
“Të dhashë fjalën që nuk do shkruaja asnjë fjalë. Por ja që 20 vitet që kanë kaluar lanë shenjë të pashlyer tek unë. Teksa të shoh që rritesh uroj me zemër që Zoti të të plotësojë çdo dëshirë! Dëgjoftë dhe plotësoftë nga pak edhe urimet e mia për ty. 20 vite nuk kanë mjaftuar ende për të të thënë sa të dua, e ndoshta as 120 të tjerë nuk do të mjaftojnë për të të treguar sa me fat jam që jam nëna jote!”, – ka shkruar Monika në urimin për të bijën. /revistawho.com
