Kanë kaluar 8 vjet nga vdekja e parakohëshme e Michael Jackson dhe vajza e tij Paris është e bindur se atë e kanë vrarë. Në intervistën e djeshme për “Rolling Stone” Paris tha se babai i thoshte gjithmonë: “Ata do më vrasin një ditë”. Ajo nuk e identifikoi se kush ishin “ata”. “Është e dukshme. Të gjitha arsyet aty të çojnë. Duket si teori konspirative dhe si gjepura, por fansat e vërtetë dhe ne familja e dimë. Ishte vrasje e organizuar.” Por kush do ta donte të vdekur yllin e pop-it?, “Shumë persona dhe tani dua drejtësi. Por është si një lojë shahu. Po mundohem t’i lëviz mirë gurët. Kaq mund të them tani për tani.” Ka një emër të cilin Paris nuk kishte frikë ta përmendte dhe që mund të ketë lidhje me vdekjen e babait. Bëhet fjalë për doktorin, Conrad Murray. Modelja fajësoi Conradin për varësinë e drogës propofol që çoi dhe në vdekjen e Michael. E pyetur sesi e ka përballuar vdekjen e të atit, Paris u përgjigj: “Gjithmonë thonë që koha i shëron plagët, por nuk i shëron. Ti thjesht mësohesh. Unë kam humbur njeriun më të shtrenjtë kështu që çfarëdo që të më ndodhi në jetë s’mund të jetë më keq se kjo.”/revistawho.com
https://www.instagram.com/p/BPqXPEPDkwQ/
