Vajza e Muhammad Ali përlotet në skenë teksa kujton babain e saj

Prince nuk ishte i vetmi personazh i famshëm që u përkujtua në ceremoninë e “BET Awards 2016” e cila u organizua në Los Angeles ditën e dielë. Jamie Foxx është ngjitur në skenë për të përkujtuar Muhammad Ali, duke ftuar në skenë vajzën e legjendës Laila Ali, e cila ka bërë një fjalim prekës për babain e saj. “Babi im Muhammad Ali jetoi jetën e tij me bindje dhe qëllim. Ai është i njohur si një nga sportistët më të mëdhenj në botë, një burrë i cili nuk kishte frikë të përballej me kundërshtarët si brenda dhe jashtë ringut”, është shprehur ajo. “Por për mua dhe vëllezërit dhe motrat, ai ishte thjesht një baba. Si vajza e tij e vogël, mund t’ju them se ai ishte i dashur, i sjellshëm dhe parimor”. Laila e ndërpreu fjalimin e saj për një moment, duke shpërthyer në lot e më pas vazhdoi: “Këto javët e fundit, për dashurinë dhe bujarinë e babait tim është folur në mbarë botën duke mbështetur familjen tonë”.