Vajza e Paul Walker, Meadow, ka publikuar së fundmi në ‘Instagram’ një foto të rrallë të aktorit të ndjerë, e cila nuk ishte postuar më parë. Në foton e publikuar shfaqet ylli i “Fast and Furious” duke u larë në oqean së bashku me një derr të egër. Përkrah fotos vajza e Paul shkruajti: “Duke menduar për ty”.
Ky postim i preku të gjithë, sepse tregon se Meadow e ndjen shumë mungesën e të atit. Për herë të fundit ajo kishte publikuar një foto të tij në shtator të 2017-tës. 20-vjeçarja është vajza dhe fëmija i vetëm i aktorit të njohur dhe ajo ka ardhur në jetë nga ish-partnerja e tij Rebecca Soteros. Meadow nuk është shumë aktive në rrjete sociale, pasi shpesh ka bërë shkëputje të gjata prej tyre, por asnjëherë nuk kanë munguar fotot me babain e saj të ndjerë nga koha e fëmijërisë. /revistawho.com
