Rina Zaiti ka ndezur rrjetin me një postim të fundit në TikTok, duke zbuluar se gjendet në një fazë “single” dhe duke dhënë një ide të qartë për tiparet që kërkon tek partneri i ardhshëm.
“Do të rri single derisa të gjej një burrë që nuk ndikohet nga shokët e tij, apo nga rrjetet sociale.
Është gazmor dhe i pëlqen të më dëgjojë të flas 24/7. E bën familjen time, familjen e tij. Pak xheloz, më respekton dhe gjithmonë është i sinqertë me mua.”
Ky postim është parê nga shumë ndjekës si një mesazh i koduar për ish-partnerin e saj, Ledri Vulën. Ndjekësit nuk vonuan të reagojnë duke e interpretuar statusin si një “kunjë” për reperin.
Komentet nuk munguan, disa me humor, si: “Dmth kokan qel zyrtarisht aplikimet” dhe “Rina woke up and chose violence.” Vetë Rina i përqafoi reagimet me sportivitet, duke iu përgjigjur me shaka dhe duke lënë të kuptohet se nuk i shmanget aludimeve.
Postimi vjen në një moment kur Ledri është përfolur për jetën e tij private pas ndarjes, duke nxitur spekulime se Rina mund t’i ketë dedikuar fjalët e saj ish-partnerit. Kujtojmë se Ledri Vula është përfolur gjithashtu për një romancë me këngëtaren e njohur Xhensila Myrtezaj, me fotot që kanë bërë xhiron e rrjetit, por asnjëri nuk ka konfirmuar ende asgjë.
