Angelina Jolie prej vitesh tashmë njihet për veprat e saj të bamirësisë dhe vizitat në vendet e varfëra. Por udhëtimi i saj i fundit në kampin e refugjatëve sirianë ka qenë ndryshe nga të tjerët pasi aktorja ështe shoqëruar nga dy vajzat e saj, Shiloh dhe Zahara. Siç ka treguar Jolie vajzat i kishin kërkuar të takonin fëmijët e kampit dhe me të mbërritur aty u përshtatën shumë shpejt me ta.
“Shumë prej fëmijëve janë të traumatizuar, të sëmurë dhe të trishtuar. Por në fund të ditës janë fëmijë me të njëjtat shpresa dhe të drejta si të gjithë fëmijët e botës” -ka thënë aktorja.
