Nuk i gjendet karari kësaj bote. Teksa shumë vajza të reja dhe të famshme i nënshtrohen operacionit për rritjen e gjoksit, gjë që përkthehet në një pamje më të mirë, vetëvlerësim më të madh dhe më shumë foto seksi në Instagram e për rrjedhojë dhe më shumë ndjekës, për këngëtaren e njohur Billie Eilish ka ndodhur e kundërta.
E shfaqur me një pamje dhe stil tjetër, ylli i muzikës pop ka treguar se gjoksi i saj i madh dhe pozat seksi, kanë bërë që 100.000 fansa të largohen nga profili i saj në Instagram.
“Kam humbur 100,000 ndjekës, vetëm për shkak të gjoksit,” tha ajo për revistën Elle. “Njerëzit kanë frikë nga gjoksi i madh.”, tha këngëtarja e cila së fundmi është shfaqur me korse, apo bluza të shkurtra si dhe bionde, ndryshe nga më parë ku ajo dallohej menjëherë për flokët jeshilë dhe rrobat tepër të gjera.
“Një ditë vendosa të vish një bluzë të shkurtër,” tha ajo për revistën. “Nuk ishte as provokuese, por unë e di që njerëzit do të thonë, ‘Dreq, ajo vishet seksi dhe përpiqet të tërheqë vëmendje.’ Në fakt, jo! Është 500 gradë dhe unë thjesht dua të vesh një bluzë të shkurtër.”
Këngëtarja thotë se pavarësisht ndryshimeve të bëra në pamjen e jashtme ajo vijon të jetë i njëjti njeri
