Ditën e sotme Valbona Mema ishte e ftuar në “E Diell” për të folur më gjatë për jetën e saj profesionale, marrëdhënien me fëmijët dhe ruajtjen e traditave tiranase. Ajo ka treguar se klipi i saj i fundi është xhiruar në dy vende, Tiranë dhe Shkodër, për shkak të origjinës së saj dhe bashkëshortit të ndjerë. “Unë jam martuar me një djalë shkodran, pavarësisht se Sokoli nuk jeton fizikisht fëmijët e mi janë gjak shkodrani dhe këtë këngë ja dedikoj Shkodrës, prindërve të Sokolit që kanë rritur një djalë aq të mirë, aq të bukur, aq të mençur. Shkodra është gjysma e zemrës sime”, është shprehur këngëtarja. Ndër të tjera Valbona Mema ka treguar se kur të vijë koha që fëmijët e saj të martohen ajo nuk do të ndërhyjë në jetën e tyre, duke qenë se do më të mirën për ta. Ajo ka shtuar se vetë ka pasur fatin të ketë një vjehrrë shumë të mirë që vazhdon ta dojë edhe sot njësoj si ditën e parë.
Gjatë bisedës me Ervin Kurtin dhe Fjoralba Ponarin, Valbona ka treguar se vazhdon t’i ruajë traditat tiranse dhe këtë e demonstroi duke lidhur një shami në kokë njësoj siç bënin nënat e kohëve të mëparshme.
https://www.instagram.com/p/B4aRrKngpF2/
Duke u kthyer pas në vite Mema zbuloi se për t’u dukur bukur përdorte varak sobe për të lyer sytë dhe qymyr të zi për të bërë bishtin e syrit. Valbona ka dhuruar edhe një performancë përpara publikut me një kolazh të Shqipërisë së mesme. /revistawho.com
