Ish-miss Shqipëria Valbona Selimllari, e ka nisur ditën e sotme me një nismë vullnetare së bashku me disa të rinj në zonën e bulevardit të ri.
Valbona ka bërë një “live” në “Instagram” së bashku me grupin e vullnetarëve ndërkohë që ndodheshin në këtë zonë e cila ishte shumë e ndotur, kryesisht nga plehrat dhe farat që konsumohen dhe hidhen në tokë.
“Kemi ardhur në bulevardin e ri, edhe pse Bashkia e pastron tre herë në ditë, kjo nuk mjafton sepse ju vini dhe i hidhni plehrat këtu. Kam një mesazh edhe për të gjithë të rinjtë që ulen në këta stola dhe hanë fara. Merrni dy qese me vete dhe mos i hidhni në tokë, bulevardi është i të gjithëve. Nuk ështe vetëm i Bonës. Uroj të kem sensibilizuar ndopak dhe herë tjetër ta gjejmë më të pastër këtë vend”-ka thënë Selimllari, ndërkohë që grupi i vullnetarëve pastron mbeturinat në tokë./revistawho.com
