Valbona Selimllari ka treguar gjithmonë respekt ndaj figurave të njohura shqiptare që kanë lënë gjurmë me punën e tyre në një fushë të caktuar. Ditën e sotme ajo ka shprehur gjithë vlerësimin për një aktore të madhe shqiptare, Roza Anagnosti. Valbona ka publikuar në ‘Instagram’ një foto me Rozën, e cila vazhdon të ruajë po të njëjtën bukuri si në kohën kur luante role kryesore në filmat shqiptarë. Pavarësisht se Roza sot nuk është më pjesë aktive e kinematografisë shqiptare, ajo vlerësohet për vlerat e saj njerëzore që i ka përçuar gjithmonë edhe përmes filmave. Valbona ka treguar se ajo dhe Roza janë bërë pjesë e një aktiviteti të organizuar nga ‘Kryqi i Kuq’ dhe për humanizmin e punën vullnetare, Selimllari ka shprehur mirënjohjen për aktoren shqiptare. “Energjia pozitive që marr kur takoj Artisten e Merituar, Roza Anagnosti, nuk vjen vetëm nga fuqia e fjalës së saj përballë publikut, por edhe nga humanizimi dhe modeli i një zonje fisnike që na frymëzon për vlerat më të mira njerëzore, si grua, si nënë dhe si mike. E lumtur që krah saj në aktivitetin ‘Unë jam vullnetar’ organizuar nga ‘Kryqi i Kuq’ shqiptar, u bashkuan edhe më shumë vullnetarë të tjerë që me shembullin e tyre përçojnë mesazhin për më shumë solidaritet dhe dashuri mes njerëzve”, ka shkruar Valbona në postimin përkrah Rozës. /revistawho.com
https://www.instagram.com/p/B6OA9r_gvJu/
