Intervistat me të nuk janë të rralla dhe megjithatë sa herë që flitet për Valbona Selimllarin publiku ka gjithmonë interes. Zakonisht Valbona nuk preferon të flasë shumë për jetën e saj private, por në një intervistë për Rudina Dembacaj, në emisionin ‘Mos i fol shoferit’, ajo ka treguar në një nga momentet më të sikletshme në jetë.
Valbona ka treguar një nga fobitë e saj më të mëdha dhe peripecitë që i është dashur të kalojë prej kësaj. “Pas lindjes së fëmijëve, e kisha fobi avionin se më dukej sikur do ndodhte diçka dhe ishte një gjë jo shumë e këndshme. Mirëpo e kam kaluar, por me makinë, sepse e kam unë në kontroll gjënë dhe ndjesia është e ndryshme. Jam e qetë, se e kam unë timonin. Kemi shkuar në Spanjë, në Barcelonë, se i kisha premtuar Denit që nëse do dilte me nota të mira në shkollë do i bëja diçka që do të donte ai. Dhe ai më thotë ‘dua të shkoj të shikoj stadiumin e Barcelonës’. Marr makinën, ikim unë, motra Deni dhe Kevi”, – ka treguar Valbona. /revistawho.com
