Valbona dhe Jozi ishin mjaft të lidhur gjatë qëndrimit të tyre brenda shtëpisë së BBV. Megjithatë, raporti i tyre duket se përjetoi një ‘krizë’ pas incidentit të paprecedentë të shkaktuar nga Jozi kundrejt Gjestit. Lidhur me këtë, Valbona bëri një reagim të qartë në Instagram duke i dalë kundër Jozit, dhe në mbështetje të Gjestit.
Së fundmi ish-banorja ka reaguar, duke iu kthyer edhe një herë incidentit dhe qëndrimit të saj, për të cilin thotë se nuk pendohet. Më tej, ajo sqaron se nuk kanë pasur kontakt që prej ngjarjes së fundit, por tregon se ka mësuar që ai është mirë dhe gëzon shëndet.
“Valbona kjo është, rrezikon për miqtë e saj deri në pikën e fundit. Absolutisht nuk pendohem për asnjë gjë që kam bërë në shtëpinë e “Big Brother”, ajo është një përgjegjësi personale e Jozit, diçka që unë kam reaguar dhe e kam dënuar. Unë di që Jozi është mirë, gëzon shëndet të mirë, por nuk është se ne kemi patur ndonjë kontakt.”, tha Valbona.
