Në datën 10 prill dizenjatori i njohur, Valdrin Sahiti, u bë baba për herë të parë i një vajze të quajtur Bella. Ai shpesh na bën pjesë të jetës me vajzën nëpërmjet fotove të publikuara në rrjetet sociale. Duket se Valdrini është një baba mjaft i kujdesshëm dhe pavarësisht angazhimeve të shumta gjen kohë për të qëndruar me vogëlushen. Përveçse një baba i mrekullueshëm, dizenjatori është edhe një bashkëshorti mjaft i përkushtuar për Edita Ramadanin. Ai nuk nguron asnjëherë të shprehë publikisht dashurinë dhe vlerësimin për partneren e tij. Por duket se respektin dhe vlerat ai i ka të mësuar që nga e ëma e tij me të cilën gëzon një raport mjaft të mirë. Këto tre dashuri të jetës së tij ai i ka bërë bashkë në një foto e në të cilën shfaqen tre gratë më të rëndësishme të jetës.
“Tre gratë e jetës”,- ka shkruar Valdrini në foton ku shfaqet e ëma, bashkëshortja dhe vogëlushja e porsalindur./revistawho.com
