Valeri i BB7: Pas debatit për operacionet plastike, Roza Lati më shihte me adhurim

Në emisionin “Top Show” të “Top Channel” nuk ka kaluar pa debate tema për VIP­at dhe jeta e tyre. Ishin Valeri, ish­konkurrenti i “Big Brother Albania”, ai që së bashku me prezantuesen e njohur Roza Lati, të cilët nuk qëndruan pa debatuar në lidhje me operacionet plastike. Roza i hodhi kunja Valerit për rregullimin e hundës, ndërsa nuk mungoi reagimi i tij, duke i kujtuar në sy të gjithëve se ajo ka fryrë buzët. Roza kohëve të fundit ka qenë pjesë e mediave rozë, pas bashkimit me ish­të dashurin e saj, këngëtarin Stine, në spektaklin “Dance With Me”, mirëpo thashethemet për operacionet plastike të vajzës, nuk kanë munguar asnjëherë. I kontaktuar nga “Bluetooth”, Valeri nuk harron të “sulmojë” edhe njëherë të gjithë VIP­at tanë. “Unë nuk kam asgjë me personazhet e famshëm, janë ata që kanë diçka me mua, sepse ata më sulmojnë dhe unë përgjigjem. Mendojnë se do ta kenë të lehtë me mua, por e kanë gabim”, ka “kërcënuar” Valeri. Nga ana tjetër, ai ka folur edhe për atë që ka ndodhur në “backstage”. “Roza ndoshta u mërzit se unë erdha pak me vonesë dhe kolltuku po rrinte bosh duke më pritur, por pas asaj që ndodhi në spektakël vetëm më shikonte dhe nuk foli më, madje më shikonte me adhurim”, është shprehur ish­finalisti i “Big Brother 7”. Edhe Valeri duket se po shqetësohet nga operacionet e shumta të “VIP”­ave tanë, duke u shprehur se do të ishte mirë të gjenim një personazh që nuk ka bërë ndërhyrje dhe jo ai ose ajo me më shumë ndërhyrje. Megjithatë, gjithë kjo armiqësi që ka krijuar Valeri nuk e tremb: “Për mua të gjithë janë qesharakë”, ka përfunduar djaloshi.