Varrosi dhe Lil Koli, janë dy prej artistëve më të pëlqyer të momentit. Hitet e tyre underground po pëlqehen shumë nga të rinjtë dhe kjo vërehet qartë në numrin e klikimeve që kanë marrë këngët e tyre në Youtube. Dy nga anëtarët e talentuar të labelit OTR, kanë vite që merren me muzikë, por vetëm së fundmi po vjelin suksesin e punës së palodhur. Vetëm dy muaj më parë ata publikuan këngën e tyre të re “3PM”, nga e cila mblodhën në një kohë rekord plot 1 milion klikime, ndërkohë që bashkëpunimi i tyre i fundit, u ka sjellë në harkun kohor të 3 ditëve, gati 400 mijë klikime. Urojmë që ata të jenë për një kohë të gjatë një dyshe e suksesshme dhe pse jo të shndërrohen në një grup.
