Çifti Bieber duket se po përballen me probleme fill pas dasmës së tyre të bujshme. Pas shqetësimeve të Hailey-it për shpenzimet e pakontrolluara të Justin, duket se dhe dikush tjetër është shqetësuar prej tij. Këngëtari ështe paditur nga fotografi Robert Barbera, thjesht sepse ka publikuar në ‘Instagram’ një foto të tij të pautorizuar. Mesa duket fotoja është në pronësi të Barbera-s, e cila është publikuar në Mars, ku Justin shfaqet në makinë me shokun e tij, ndaj e ka hedhur këngëtarin në gjyq. Sipas dokumentave të gjykatës, këngëtari nuk ka vendosur emrin e Robertit dhe as nuk ka marrë miratimin e tij prandaj fotografi e ka menduar se padia është zgjidhja më e drejtë. Le të shpresojmë se trazirat do të mbarojnë me kaq për çiftin Bieber.
