“Beteja” ligjore mes Amber Heard dhe Johnny Depp vazhdon dhe duket se raportet mes dy ish-partnerëve po përkeqësohen. Së fundmi “The Blast” ka mësuar se Depp ka bërë një deklaratë shumë të fortë kundër ish-bashkëshortes. Media e njohur rozë ka siguruar dokumentet e gjykatës për këtë çështje dhe aty janë zbuluar detaje të shumta për lidhjen mes dy aktorëve. Sipas “The Blast” Johnny ka rrëfyer se në vitin 2015-të Amber i ka hedhur një shishe, që për pak i ka thyer gishtat. Gjithashtu ai ka treguar se ajo i ka shuar cigaren në fytyrë, pas një debati të fortë mes tyre. Depp e ka vërtetuar këtë gjë edhe përmes një fotoje, në të cilën shihet qartë gishti i tij i dëmtuar dhe faqja e djegur nga cigarja.
Ndërsa Amber nga ana e saj ka treguar se në të vërtetë Johnny e ka lënduar vetë gishtin kur theu një shishe gjatë një momenti xhelozie. Më herët ajo ka rrëfyer se ish-bashkëshorti e ka keqtrajtuar kur ishin të martuar, por në fakt Johnny i ka hedhur poshtë këto akuza. /revistawho.com
