Një tjetër vajzë ka dalë dhe ka pohuar se Adam Levine ka patur një bisedë flirtuese me të. Ashley Russell, 21 vjeç, e cila është influencuese fitnesi, tregoi në fillim të këtij viti, se këngëtari shikonte postimet e saj në Instastory dhe i shkruante. Ashley pohoi se ai i dërgonte mesazhe “pothuajse çdo natë rreth orës 22:00”.
“Kontrolloja çdo herë që postoja një story dhe shihej gjithmonë nga ai. Pëlqente fotot ku tregoja të pasmet”, tregoi Ashley dhe vazhdoi duke thënë se Adam komentonte kur ajo kishte ditën që bënte ushtrimet për këmbë dhe të pasme në palestër. “Kur i thashë se do të kapej duke dërguar mesazhe vajzave si unë, ai më ndaloi së dërguari mesazhe”, tha ajo.
“Unë mendoj se ky është kuptimi i vërtetë i mungesës së respektit ndaj një gruaje. Më bën shumë të trishtuar që ai është i martuar dhe bën këtë gjë të papjekur”, tha ajo duke shtuar se i dukej e çuditshme që ai fliste me të “duke marrë parasysh moshën e tij dhe që është i martuar”.