Arilena Ara ka korrur sukses me këngën ‘Nëntori’, e cila ka marrë komente tepër pozitive dhe është pëlqyer shumë në Europë. Një tjetër website ka shkruar për Arilenën, të cilën e cilësojnë si një emër që do e dëgjojnë shpesh në të ardhmen. Faqja euromusica.org i ka kushtuar një artikull këngëtares shqiptare me datë 10 qershor. “Nëntori: Nga Shqipëria pop-i ndërkombëtar i Arilena Arës”-është titulli i artikullit. Më poshtë mund të lexoni se çfarë është shkruar në brendësi.
“Shënojeni këtë emër, sepse do dëgjojmë shpesh të flitet për të: Arilena Ara sapo ka mbushur 19 vjeç dhe ka fituar para katër vitesh X Factor Albania dhe single-i që ka paraqitur në Festivalin e Këngës Magjike, “Nëntori”, veçse ka pushtuar ajrin kombëtar (dhe ka fituar në festival, vendin e tretë dhe çmimin e Baladës më të Mirë), po bën xhiro mjaft edhe në radio të ndryshme të Ballkanit dhe jo vetëm. Kënga funksionon, është një europop shumë ndërkombëtar, që tregon që edhe në një gjuhë si shqipja mund të dalin këngë vendosmërisht interesante. Imazhi, siç mund të dallohet nga videoja, është shpërthyes dhe, edhe në këtë front, Shqipëria na ka mësuar mirë.Nuk është singel-i i parë: Arilena ka të publikuar në fakt disa këngë të tjera, mbi të gjitha “Aeroplan” i 2014-ës, por edhe “Business Class”, nuk është aspak keq. Ndërkaq me singel-in e ri janë realizuar dhe disa remix-e”.
