Aktorja e njohur kineze Xu Ting ishte diagnostikuar me kancer por në vend që ta trajtonte sëmundjen e saj me metoda moderne, ajo vendosi të bënte kimioterapinë klasike bazuar në mjekësinë pupullore kineze. Por kjo gjë bëri që jeta e saj të përfundonte më herët seç e kishte imagjinuar.
Madje vdekja e saj falë këtyre metodave tradicionale, ka hapur një debat në Kinë duke vënë në dyshim mjekësinë tradicionale që ata e besojnë shumë, madje edhe për trajtimin e kancerit.
Aktorja kishte dokumentuar të gjithë procesin e trajtimit të saj me anë të këtyre metodave, por shumë nga fansat të cilët shihnin fotot e trajtimit nuk ishin dakort me këtë mënyrë dhe i rekomandonin t’i nënshtrohej kimioterapisë moderne.
Por disa të tjerë nuk janë dakort as edhe me këtë ide, pasi edhe kimioterapia moderne ka marrë plotë jetë njerëzish. Sipas tyre aktorja duhej të kombinonte terapinë moderne me atë tradicionale e se vetëm kështu edhe mund të shërohej.
